O Ciclo Mestre Mateo achegou neste mes de outubro a película “Malencolía” aos galegos e galegas do exterior

O Ciclo Mestre Mateo achegou este mes de outubro aos centros galegos do exterior a película “Malencolía”. O ciclo, froito da colaboración da Secretaría Xeral da Emigración,  Academia Galega do Audiovisual e as propias entidades galegas que participan no mesmo, ten como obxectivo achegar ás e aos galegos do exterior os documentais e filmes premiados na última edición dos premios do cine de Galicia.  

O filme proxectouse ao longo deste mes de outubro no Instituto Vicente Cañada Blanch de Londres, no Centro Galego de Madrid, no cine Babylon de Berlín, no Centro Galego de Tarragona, no de Montevideo, no Lar Gallego de Sevilla e no Centro Galicia de Bos Aires, así como na Hermandad Gallega de Venezuela.