O secretario xeral da Emigración, Antonio Rodríguez Miranda, mantivo unha reunión de traballo cos e coas representantes da Universidade de Santiago de Compostela e do Instituto Tecnológico de Monterrey na que se puxo sobre a mesa as posibles sinerxías na colaboración educativa Galicia-México.

Na reunión estiveron presentes o vicerrector de Relaciones Institucionales do Instituto Tecnológico de Monterrey, José Manuel Páez Borrallo, a directora de Desarrollo Internacional de Iniciativas Globales, Alejandra Vilalta, así como Pilar Taboada, directora dos cursos internacionais da USC. Rodríguez Miranda destacou a importancia do traballo conxunto á hora de facilitar a formación universitaria en Galicia.