Imaxe da reunión celebrada na sede da SXE na capital de Galicia
Santiago de Compostela, 9 de decembro de 2022.
O secretario xeral da Emigración, Antonio Rodríguez Miranda, coñeceu o proxecto sobre a modernización de Galicia a través da construción das escolas no rural galego executadas grazas ao aporte económico da emigración, que está a realizar a Asociación Cultural Libro Vivo. Na reunión estiveron presentes o presidente desta entidade, Carlos Breixo, así como do investigador Vicente Peña e do concelleiro popular de Ortigueira, Valentín Calvín.
Esta iniciativa que está a promover a asociación de Ortigueira ten como obxectivo dar a coñecer o impulso social que supuxo a construción de centros escolares grazas ás aportacións dos e das emigrantes en América e que, de xeito altruísta e filantrópico, permitiron mellorar a escolarización e a formación de milleiros de nenas e nenos galegos. Foi un caso único, pola súa dimensión, en España.