A Comisión Permanente do CGCEE reúnese en Madrid

(15/12/2022)

A Comisión Permanente do CGCEE reúnese en Madrid

A Rexión Internacional 15/12/2022

Os próximos 18 e 19 de decembro a Comisión Permanente do CGCEE estará en Madrid para celebrar a súa primeira reunión presencial neste VIII mandato, así como para reunirse coa Secretaria de Estado de Migracións, Isabel Castro Fernández.

Nestas xornadas a Comisión Permanente terá unha axenda intensa, que incluirá entre outros a revisión das propostas aprobadas polas Comisións Delegadas, o estudo e derivación das novas propostas recibidas pola Secretaria do Consello, os recursos persoais, laborais e técnicos asignados ao Consello ou a mellora dos procedementos e fluxos de traballo en comisións dentro do Consello e o calendario de reunións para o próximo ano 2023.

Ademais durante estes días abordaranse outros temas que formaron parte da axenda de traballo do Consello nos últimos meses, como o proxecto de Real Decreto de Regulamento de desenvolvemento da Lei 40/2006 do Estatuto da Cidadanía Española no Exterior ou o seguimento da aplicación da Lei de Memoria Democrática nos diferentes países da rede consular.