(19/12/2022)
«A Laracha acolle»: a importancia dunha man que axude
A Voz CARBALLO / A VOZ
Quince mulleres de Marrocos, Paquistán, Ucraína, Colombia e Portugal participan neste programa municipal
18 dic 2022 .
Unha quincena de persoas orixinarias de Marrocos, Paquistán, Ucraína, Colombia e Portugal participan desde o mes de setembro, e ata xuño, na segunda edición do programa A Laracha acolle. A iniciativa, que se leva a cabo no centro sociocultural de Paiosaco, vai dirixida a persoas inmigrantes empadroadas no concello, prioritariamente ás mulleres, e ten por finalidade a súa inclusión social e cultural. Estes días recibiron as visitas do alcalde, José Manuel López, e a edila de Servizos Sociais, Rocío López: ambos felicitaron satisfeitos á participantes polos seus moitos avances.
A Laracha acolle ten dúas liñas de acción: un taller de alfabetización nas linguas oficiais e de Galicia e un espazo de expresión e participación cultural, Exprésa-T. As persoas interesadas en participar no programa poden inscribirse no departamento de Servizos Sociais: presencialmente no edificio administrativo ou chamando ao 981 612 811.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas