   |
    |
Protección Civil entrega aos refuxiados ucraínos de Santiago a recadación de «Un Nadal pola paz»
(21/12/2022)
Protección Civil entrega aos refuxiados ucraínos de Santiago a recadación de «Un Nadal pola paz»
A iniciativa partiu de Antonio Villaverde, un voluntario que esta primavera xa levou co seu propio coche axuda humanitaria á fronteira con Polonia
21 dic 2022 .
A agrupación de voluntarios de Protección Civil de Santiago fixo entrega o luns do material recolleito na campaña Un Nadal pola paz. A iniciativa conseguiu catro árbores do Nadal e adornos decorativos para que as familias refuxiadas ucraínas da cidade poidan celebrar unha das súas festas tradicionais, SanNicolás , como o facían nos seus fogares antes de verse obrigados a abandonalos. A iniciativa foi proposta por Antonio Villaverde, un voluntario que esta primavera xa levou no seu propio coche axuda humanitaria ata a fronteira entre Ucraína e Polonia. Conta que desde entón «estou bastante volcado» coa situación dos refuxiados ucraínos e interésase sempre que pode polas necesidades que se lles presentan.
Advirte Antonio que sempre quedan necesidades por cubrir e, por exemplo, neste momento viríanlles ben tendales para a roupa e deshumidificadores para que esta seque con maior facilidade e evitar ambientes pouco sans para persoas con asma ou outras afeccións que ven condicionadas pola humidade ambiental. E tamén son benvidos os zapateiros para o calzado.
ACTIVIDADES
|
||||||||||||||||||||||||||||||||||||||||||||||||||||||||||||
AREA DE TÉCNICOS
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas