GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Xunta apoia en Ferrol a formación de dez alumnas e alumnos retornados de Arxentina, Brasil e Venezuela que cursan un ciclo no CIFP Ferrolterra

(13/01/2023)

A Xunta apoia en Ferrol a formación de dez alumnas e alumnos retornados de Arxentina, Brasil e Venezuela que cursan un ciclo no CIFP Ferrolterra

As e os participantes na iniciativa reciben unha bolsa de 6.500 euros para cubrir os gastos da viaxe, o aloxamento e a manutención durante este curso 2022/2023.

 

A delegada territorial, Martina Aneiros, visitou esta mañá aos primeiros beneficiarios e beneficiarias na comarca destas bolsas do programa ‘Retorna Mocidade’

A delegada territorial, Martina Aneiros, visitou esta mañá aos primeiros beneficiarios e beneficiarias na comarca destas bolsas do programa ‘Retorna Mocidade’

 

Listen to this page using ReadSpeaker
 
Ferrol, 12 de xaneiro de 2023.

A delegada territorial da Xunta en Ferrol, Martina Aneiros, visitou esta mañá no CIFP Ferrolterra ás e aos primeiros beneficiarios na comarca das bolsas concedidas pola Xunta de Galicia á mocidade do exterior co fin de que cursen en Galicia estudos de Formación Profesional nivel básico durante o presente curso académico.

 

Acompañada do xefe territorial de Educación, Indalecio Cabana, e da vicedirectora do centro, Raquel Rodríguez, coñeceu de primeira man as experiencias dos dez alumnos e alumnas procedentes de Arxentina (5), Brasil (3) e Venezuela (2) que iniciaron o pasado mes de decembro o ciclo de Fontanaría, calefacción, electricidade e telecomunicacións no CIFP Ferrolterra, único centro da zona adscrito a esta convocatoria.

 

“Con esta convocatoria a Xunta pretende incentivar o retorno dos galegos no exterior, non só dos emigrados, senón tamén dos seus descendentes”, explicou a delegada territorial, “favorecendo a súa incorporación e a dos seus fillos nos centros de FP galegos así como acceso ao mercado laboral”.

 

Bolsas de ata 6.500 euros

 

Os beneficiarios e beneficiarias, de entre 17 e 39 anos de idade, reciben unha bolsa de 6.500 euros de apoio económico para a viaxe, o aloxamento e a manutención, así como a subscrición dun seguro médico. Cobran un primeiro pagamento de 3.700 euros no primeiro trimestre del curso (co único requisito de estar matriculada ou matriculado) e un segundo pagamento de 2.800 euros no segundo trimestre da formación. Neste caso o alumno ou alumna deberá ter aprobado o 70% dos módulos cursados no primeiro trimestre.

 

Esta é a primeira vez que o Goberno galego instaura esta modalidade de ensinanzas dentro do programa Retorna Mocidade, que a Consellería de Cultura, Educación, FP e Universidades financia con 247.000 euros.

 

Enmárcase, ademais, no paquete de accións deste tipo desenvolvidas ata o momento como son as bolsas BEME, tanto para cursar estudos de FP de grao superior como as de de Excelencia para a Mocidade Exterior Máster, estas últimas da Secretaría Xeral da Emigración.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas