GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Xunta pecha a compra dos bens culturais da Casa de Galicia en Montevideo por 18.000 dólares

(01/02/2023)

A Xunta pecha a compra dos bens culturais da Casa de Galicia en Montevideo por 18.000 dólares

j. c. REDACCIÓN / LA VOZ

 

O lote inclúe a escultura «A Santa» de Luis Asorey, entre outras  pezas e cadros

 

01 feb 2023 .

 

A mediados do mes pasado, o presidente da Xunta referiuse ao patrimonio cultural de Casa de Galicia en Montevideo, en poder do Estado do Uruguai tras un proceso de intervención, afirmando que a súa adquisición estaba «practicamente pechada». Quince días despois, a Xunta xa pode asegurar que é propietaria do lote, que ten como principal elemento a escultura A Santa, de Francisco Asorey.

 

 

O que a Xunta adquiriu basicamente son 26 pezas entre pinturas esculturas e cerámicas de valor variable. A peza máis relevante -que non a máis cara- que figura no lote é a escultura de Asorey A Santa, en poder da emigración galega en Montevideo desde 1951. Foi taxada en 6.000 dólares. Un cadro de Roberto González do Blanco titulado O emigrante recibiu unha valoración superior: 8.000 dólares.

 

Con esta operación, a Xunta asegúrase que o lote quedar disgregado no proceso de poxa que o Estado do Uruguai está a levar a cabo coas propiedades da Casa de Galicia de Montevideo, unha institución que se converteu nunha das principais mutuas de saúde do país, pero que foi intervida fai un ano polo volume da débeda acumulada. No proceso de liquidación da histórica sociedade entraron tamén os bens culturais que atesouraba a institución, aínda que unha asociación creada especificamente para o seu defensa e chamada A Casa de Galicia Centro Histórico e Cultural, mediou entre o Goberno e a Xunta para facilitar esta compra que finalmente se concretou nun prezo moi alcanzable.

 

A maior parte das pezas teñen máis valor simbólico que artístico, pero só a escultura de Asorey tería probablemente un prezo de mercado moi superior ao prezo acordado por todo o lote.

 

A idea inicial xa expresada pola Xunta, é que as obras permanezan no Uruguai, vinculadas á emigración. A Galicia virán unicamente documentos que Cultura pretende dixitalizar para garantir a súa conservación.

 

O Parlamento de Galicia aprobou en maio do ano pasado unha proposición non de lei, por unanimidade, na que pedía ao Goberno do Uruguai protección e integridade para o patrimonio cultural da Casa de Galicia.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas