A Delegación da Xunta no Uruguai participou nas diferentes actividades organizadas co gallo do Día de San Xoán polas entidades galegas neste país do Cono Sur. A delegada, Elvira Domínguez, puido asistir a varias delas para mostrar o apoio da Xunta ao labor en prol da cultura galega destes centros.
Entre outras entidades, celebráronse encontros con numerosa asistencia no Centro Gallego de Montevideo, no Centro Cultural y Recreativo Alma Gallega, no Centro Social Cultural y Deportivo de Bolos Valle Miñor, no Centro Cultural y Recreativo Hijos de Galicia e en A Casa de Galicia.