(02/10/2009)
A emigración galega protagonizará unhas xornadas en Empresariais
O venres e o sábado celebraranse no campus as Xornadas sobre Emigración, Inmigración e Retorno. Os cooridnadores son José Ramón Campos, porfesor da Facultade de Historia e Iván Quintana, licenciado en Dereito. Colaboran a Delegación de Alumnos de Historia, o Concello de Ourense, Cruz Vermella e o IESGA. a inscrición é gratuíta e as sesións serán no salón de graos da Facultade de Empresariais.
O venres será o día para tratar sobre a emigración galega a Venezuela ademais de analizar a emigración de galegos en perspectiva histórica. Os retornos do Cono Sur serán outra asunto a tratar así como o caso de Alfonso Graña, o galego que reinou nas tribos xíbaras do Alto Marañón. Sobre esta figura proxectarase un documental Nestas xornadas falarase tamén da emigración a México, da integración, a educación e as repercusións económicas do proceso migratorio en Galicia centrado na inmigración e o retorno.
as xornadas inclúen, ademais, a proxección do filme Un franco, quince pesetas , o venres, ás 18.00 horas e unha visita guiada a Ribadavia ás 19.00 horas do sábado, tras clausúraa.
Non hai límite de prazas de inscrición e a viaxe a Ribadavia será gratuíto, só hai que indicar que se fará uso dese medio de transporte.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas