Aumentan un 82% os inmigrantes que cobran o paro en España

Aumentan un 82% os inmigrantes que cobran o paro en España
Redacción | Publicado o 4 Outubro, 2009 |

O gasto para pargar as axudas a parados aumentou un 45,5 e chega xa ata os 2.608 millóns de euros, segundo os datos difundidos hoxe polo Ministerio de Traballo e Inmigración. Ao final dese mes había 2.708.204 beneficiarios, o 46,1% máis que o ano anterior.

O gasto medio mensual por beneficiario, incluídas as cotizacións á Seguridade Social e sen incluír o subsidio agrario de Andalucía e Estremadura, foi de 996,1 euros, 23,2 euros menos (-2,3%) que o mes anterior.

Respecto ao número de beneficiarios estranxeiros, aumentou un 82% ata os 363.223, incremento que foi superior nos beneficiarios procedentes de países comunitarios (85,6%).

Os beneficiarios estranxeiros representan o 13,41% do total de quen reciben unha prestación por desemprego e supón o 74,34% dos demandantes de emprego.

O gasto en prestacións dos beneficiarios estranxeiros, que representa o 11,5% do total, foi de 299,08 millóns de euros, o 63,4% máis que un ano antes.