(01/12/2009)
Os mozos da colonia bonaerense aprenden a ser líderes
lri - Bos Aires - 30-11-2009
Comezou en Bos Aires o primeiro programa de formación para mozas como líderes da emigración. O curso está organizado pola Secretaría Xeral de Emigración, en colaboración coa Universidade de Vigo. O delegado da Xunta en Bos Aires foi o encargado de dar a benvida aos participantes nesta actividade formativa, trátase dun grupo de mozos de Arxentina e Uruguai. Segundo explicou o encargado do curso, trátase dunha experiencia piloto que podería replicarse noutros países.
Un momento do curso de formación de dirixentes de centros galegos.
Este venres comezou en Bos Aires o primeiro programa de entrenamento para mozos líderes da emigración. Trátase dun curso que se prolongará ao longo de tres días para fomentar e formar en habilidades directivas da máxima calidade á mocidade galega do exterior para que as comunidades poidan contar con mozos preparados en liderado e negociación.
O encontro, organizado pola Secretaría Xeral de Emigración, en colaboración con la Universidade de Vigo, está pensado para achegar novas ideas e coñecementos co galo de crear unha cultura innovadora que introduza brótoo de cambio nas entidades e centros galegos.
O programa estrutúrase en clases presenciais e talleres de reforzo a distancia. En primeiro lugar, celebraranse tres xornadas de sete horas de duración entre o 27 e o 29 de novembro na capital arxentina, nas que se inclúe unha xornada de entrenamento ao aire libre, e con dúas sesións máis (a desenvolverse o 4 e o 18 de decembro) para asimilar de xeito práctico os conceptos teóricos adquiridos. Finalmente, están previstos dous talleres de reforzo a distancia a través da plataforma www.galiciaaberta.com.
O Delegado da Xunta de Galicia en Bos Aires, Alejandro López Dobarro, foi o encargado de dar a benvida a esta actividade formativa ao grupo de participantes oriúndos de Arxentina e Uruguai. Na súa intervención, López Dobarro explicou que a vontade da Administración galega é 'estar preto da emigración, en contacto permanente e contribuíndo para a súa revitalización e posta en valor'. Neste sentido, engadiu que Galicia 'ten un importante capital en todo o mundo' pero 'especialmente nesta zona do Río da Prata' e a realización destas iniciativas supón 'un recoñecemento ao traballo e á capacidade' de sociedades que foron quen de crear unha longa tradición de asociacionismo a través dos centros e institucións que crearon tanto en Arxentina como en Uruguai.
Experiencia piloto
Así mesmo, segundo explicou o encargado do curso, Daniel Álvarez, a vontade da Secretaría Xeral de Emigración é realizar esta experiencia como proba piloto en Bos Aires e intentar replicala noutros países nos que a presenza de emigración galega sexa tamén importante.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas